'شاورما الشوكولاتة' تدهش المصريين

القاهرة - يُقدم مطعم في القاهرة الشاورما في صورة حلوى باسم (شاورما الشوكولاتة) ليُدهش زبائنه المعتادين عليها كوجبة تقليدية لذيذة مملوءة باللحم المتبل.

وعادة ما تُقدم الشاورما باللحم أو الدجاج المتبل حيث تُرص طبقات على سيخ دوار وتُترك لتُشوى ثم تُقطع لشرائح وتُقدم ملفوفة في خبز كُماج ومزينة بالطماطم وصلصة الطحينة أو الحمص وبعض المشهيات.

وقال حسام الجنايني صاحب مطعم قنبلة، على مشارف القاهرة، إنه أراد أن يقدم لزبائنه مفهوما جديدا وإن الأمر استغرق وقتا لإقناعهم.

وأضاف الجنايني "الناس ما تعرفش يعني إيه شاورما شوكولاتة، دي كانت حاجة صعبة جدا بالنسبة لنا. علشان نعّرف الناس يعني إيه شاورما شوكولاتة ابتدينا نحط الماكينة قدام (أمام) المحل، وابتدينا نعمل طبعا دعاية كتير ع الانترنت. طبعا كانت أكبر دعاية بالنسبة لنا إن الناس تعدي تشوف السيخ تقول: إيه ده؟. طب مش عارفين يحددوا وإذا كانت دي لحمة ولا فراخ؟ وإذا كانت دي لحمة ولا فراخ بالشوكولاتة؟ وكل الناس فكروا إن هي لحمة ولا فراخ بالشوكولاتة".

وأضاف "أكيد طبعا أكتر الزبائن عندنا بنات، دي حاجة معروفة لأن البنات دائما بتعشق الشوكولاتة. لما قدمناها على سيخ الشاورما طبعا دي عجبتهم طبعا أكتر وأكتر، والحمد لله يعني عملنا حاجة كويسة".

أما شاورمة مطعم قنبلة فتُقدم بطبقات مماثلة على سيخ أيضا لكن بأنواع مختلفة من الشوكولاتة، وليس اللحم، ثم تُقدم للزبائن بفطير ملفوف ومسكوب عليها شوكولاته سائلة وشرائح فواكه.

وزبائن المطعم في غاية السعادة ومن بينهم شاب يدعى وائل حمدي.

وقال حمدي "والله أنا شفت شاورمة الشوكولاتة على النت فاستغربت يعني: إيه يعني شاورمة الشوكولاتة دي فحبيت آجي وأجرب. فبصراحة جيت فلقيتها حاجة كويسة جدا وإضافة جديدة مش موجودة عند حد في مصر كلها".

والمطعم مشهور أيضا بنوع آخر من الحلوى يسمى قنبلة، يتكون أساسا من بودنج الأرز مع البوظة (الآيس كريم) والفواكه وعصير الفواكه إضافة لحلوى البسبوسة المصرية الشهيرة والقشدة في الأعلى.