إلعب البلاي ستيشن داخل سيارتك في تجربة مصرية فريدة

القاهرة - لم الذهاب لمتجر مزدحم للعب البلاي ستيشن عندما يمكنك أن تفعل ذلك وأنت مرتاح في سيارتك الخاصة في منطقة جديدة للألعاب في مدينة بورسعيد المصرية على القناة.

ويمكن للوالدين مع أبنائهم والشبان وأصدقاؤهم ببساطة قيادة السيارات حتى تتوقف أمام شاشة مثبتة على الجدار والبدء في اللعب من مكانهم.

ويروي أحمد سالم مؤسس المشروع كيف وردت له الفكرة وما ساعده على تنفيذها ويقول "أنا جاتلي فكرة إن أنا عايز ألعب بلاي ستيشن وأنا في العربية. قعدت مع أصحابي.. يمكن هما أصحاب عشرة العمر. من هنا بدأ الموضوع يتبني. كل واحد فيهم، هما كلهم مهندسين، كل واحد فيهم في مجاله طلع لي أحسن ما فيه.. يمكن التصميم) وهانعمل إيه. كيف نحمي نفسنا من المطر كيف نحمي نفسنا من كل الكلام ده. كان المهندس عمر يتكلم فيه.. سواء اتصالات وسيستم المكان كله المهندس عبد الرحمن سواء جيمنج أو أي حاجه المهندس زياد.. الناس كلها كل واحد طلع بفكرة، قومنا المكان".

وسواء كنت في مقعد السائق أو الركاب فأدوات اللعب في يدك مما حول هذا المكان لطريقة محبوبة لقضاء وقت الفراغ في المدينة.

ويقول المؤسس أحمد سالم عن تلك التجربة "أنت داخل بتلعب بعربيتك مش شايل هم أي حاجه. بتنزل الشارع بعربيتك بتروح تاني وأنت لسه في عربيتك وأنت لعبت وأكلت وشربت وكل حاجه حصلتلك الحمد الله".

وصمم سالم وأقرب أصدقائه هذه الفكرة بالكامل والتي أصبحت تحمل اسم "بلاي ثرو" على غرار القيادة وتلقي الخدمة من المطاعم. وفتح المكان أبوابه للجمهور الشهر الماضي في محاولة لاجتذاب من يتزاحمون في العادة على محلات الألعاب الأخرى ويزورونها بشكل متكرر.

ويرى محمد شبانة أحد المترددين على المكان أن الأمر أتاح خيارات مختلفة عن مناطق الألعاب الأخرى "فرصة جديدة إن إحنا قاعدين في البيت.. نغير جو شويه.. نعمل حاجة جديدة... لأن طبعا صعب إن أنت تاخد زوجتك مثلا وتروح محلات البلاي ستيشن العادية التقليدية، طبعا كلها سجائر.. كلها طبعا شباب كتير زحمه.. وطبعا الوضع اللي إحنا فيه والظروف الصحية اللي فيها البلد دلوقتي مش مشجعة على حاجه زي دي".

ويقول فادي أحد اللاعبين عن اختلاف اللعب من داخل السيارة عن الأماكن العادية "أنا كشخص مثلا بحب عربيتي، فأنا قاعد جوها وبلعب مثلا فيفا أو أي لعبه ضمن البلاي ستيشن. فالموضوع ممتع عامة. مثلا قاعد على كنبه ويبقى اللي على شمالي بيشرب سجائر واللي على يميني مش عارف بيعمل إيه.. لا أنا هنا قاعد براحتي خالص عمال ألعب براحتي.. الدنيا أجمل بكتير".

ونظام عمل المكان هو التأجير بالساعة مقابل 50 جنيها مصريا (3.18 دولار) وتستقبل "بلاي ثرو" 30 سيارة تقريبا في اليوم منذ الافتتاح وهو أفضل كثيرا مما توقعه سالم الذي كان قلقا من أنها ستكون مغامرة أعمال خاسرة.