شارلي شابلن المصري يعيد نجم السينما الصامتة إلى الحياة

الإسماعيلية (مصر) - أحمد الشاذلي مصري مولع بزمن السينما الصامتة فقرر تجسيد شخصية أشهر نجومها شارلي شابلن وإعادته للحياة.
يرتدي الشاذلي (31 عاما) ملابس شابلن الشهيرة وقبعته البريطانية المستديرة ويؤدي عروضا مسرحية يحاكي فيها الممثل الكوميدي البريطاني بتعبيرات وجه مبالغ فيها.
وبدأت عروض الشاذلي التي يطلق عليها اسم "شاذلي شابلن" في 2016 واستلهمها من ولعه بشارلي شابلن وقصة حياته.
ويقول الشاذلي "أنا ابتديت أجسد شخصية شارلي شابلن من كتر حبي في وحبي في ‏الشخصية بتاعته والحياة بتاعته، ‏هو قابل صعوبات كثيرة جدا في حياته ‏من بعد ما عملت الشخصية ونزلت بها مصر ‏ابتدت الناس تدور على شارلي شابلن وتدور على فيديوهات ‏وكان الموضوع أيضا يحيى ليه شخصية شارلي شابلن".
وواجه الشاذلي نفسه صعوبات كذلك في تجسيد الشخصية، فاضطر لطلب الملابس من صديق له في الولايات المتحدة وما زال يجاهد للعثور على مسرح يقدم عليه عروضه بحضور جمهور بدلا من فيديوهات ينشرها مواقع التواصل الاجتماعي.

ويقول "‎‏حلمي أن أنا ألف العالم كله.. وإن الناس تعرف عن مصر من خلال شارلي شابلن المصري. ‏نفسي يبقى عندي مسرح خاص عليه صورة شارلي شابلن ‏وأقدم من خلاله اسكتشات مسرحية ‏ويبقى الموضوع ليه قاعدة جماهيرية مش مجرد على السوشيال ميديا".
وتابع الشاذلي "‎‏كان الغرض من أحياء شخصية شارلي شابلن هو إحياء كل ما هو قديم ‏الحاجات اللي الناس بتحن لها احنا كمان بنحن لحاجات كثيرة ‏مثل العادات والقيم القديمة التي بدأت تختفي من المجتمع ‏احنا بنحط ايدينا عليها ونبدأ لها سكريبت (سيناريو) ‏بنشتغل عليها وبنعملها على شكل فيديوهات قصيرة".
وأضاف "‎‏الملابس الحقيقة كانت من الأشياء الصعبة لينا ‏إن إزاي أجيب اللبس بتاعه بالضبط والبرنيطة بتاعته بالضبط ‏اللي هي المدورة الإنجليزي ديات ‏والحقيقة عن طريق واحد صديقي من بره مصر ابتدا يدور لي على اللبس ‏و فعلا جبناه من أميركا".
وقال ميشيل منير 36 سنه مؤلف الحلقات "‎‏لما أحمد الشاذلي ابتدا كلمني عن فكرة أن احنا ‏نعمل فكرة شارلي شابلن مصر هو شارلي شابلن مش مجرد ممثل ‏هو كمان مخرج وملحن ومنتج ‏في بالتالي نقدر نقول أن شارلي شابلن صانع سينما ‏هو من صنع الحكاية مش مجرد ممثل ‏بيؤدي دور صغير هو مخرج ومنتج هو ملحن ‏هو كان حالة فريدة من نوعها".
وتخاطب عروض الشاذلي جمهورا تتراوح الأعمار فيه بين 16 عاما و60 عاما.