First Published: 2017-09-10

تطبيق فلسطيني يستكشف جغرافية التجوال في القدس

 

برنامج 'رحلة' الالكتروني يتضمن المعلومات الخاصة بالأماكن ويتطرق إلى صعوبة المسار وما يحتاجه المسافر من ملابس ومتاع.

 

ميدل ايست أونلاين

أكثر من مجرد تطبيق

القدس - توفرت الآن وسيلة جديدة لرؤية القدس وضواحيها بعين مختلفة وذلك بفضل تطبيق جديد ابتكرته مؤسسة محلية فلسطينية تبحث عن المنظور الفلسطيني في القدس الشرقية.

ويبرز تطبيق (رحلة)، الذي أنتجته مؤسسة الرؤيا الفلسطينية المسارات الطبيعية للسير في القدس سواء على الأقدام أو بمركبات في ضواحي القدس.

وقد اجتمع 19 شابا وفتاة بدراجاتهم الجمعة (8 سبتمبر/أيلول) ليخرجوا في جولة لقرية النبي صموئيل الفلسطينية شمالي القدس مباشرة.

وأوضحت، منسقة مشروع التطبيق، شروق النمري أنها لاحظت وجود فجوة في السوق أثناء البحث عن مسارات المنطقة.

وقالت "طلعنا في تطبيق اللي هو اسمه تطبيق رحلة. شفنا إنه إحنا بنفتقد للمسارات الطبيعية الفلسطينية، أو مش نفتقد، إحنا ما بنعرف عنها كمسارات فلسطينية. وكمان إذا بيتواجد مسارات دائما متواجدة بس بالرواية اللي مش فلسطينية. فعشان هيك إحنا فكرنا إنه كثير مهم إنه نعمل زي تطبيق فيه مسارات طبيعية تختص بالأماكن الفلسطينية اللي هي نقدر من خلالها نعكس الرواية الفلسطينية التاريخية للمكان وكمان علشان نشجع المشاركين ونشجع الناس والشباب الفلسطيني إنه يطلع على المسارات ويستكشف ويشوف إنه لأ والله فيه أشياء حلوة نقدر إنه إحنا نروح عليها".

وأشارت إلى أن أهمية التطبيق تنعكس من خلال السرد الفلسطيني للأماكن المتضمنة فيه.

ويتضمن تطبيق (رحلة) المعلومات الخاصة بالأماكن والقرى التي يمر عبرها المسافرون إضافة إلى تاريخ كل مكان والمباني التاريخية الهامة في المناطق المحيطة.

كما يتطرق التطبيق أيضا لصعوبة المسار وما يحتاجه المسافر عبره من ملابس ومتاع يأخذه معه في رحلته لتيسير الأمر عليه قدر الاستطاعة.

وقال شاب مشارك في الجولة يدعى إبراهيم أبو رميلة "حبيت أشارك في الجولة لأنها كثير مميزة وما كان فيه عندنا هيك أشياء من قبل. مثلا يعني دائما إحنا بنطلع جولات في مسارات مشي وهيك. فها المرة طلعنا بسكليتات وعلى مسار النبي صموئيل بنطلع بالبسكليتات مجموعة شباب وصبايا من 19 واحد تقريبا".

وأوضحت شروق النمري أن الدراجات هي أفضل وسيلة للسفر على هذه المسارات مشيرة إلى أنه من السهل أن يقطع المسافرون بها مسافات بعيدة نسبيا.

وقالت "زي اليوم إحنا رايحين على النبي صموئيل، النبي صموئيل معروف إنه مكان نوعا ما الناس زي منعزلة عن القدس في مكان معين أو في حيز معين. فإحنا بنحاول إنه نجمع شباب وصبايا من القدس إنه نروح على هاي المناطق ع أساس إنه نتعرف عليها وع أساس كمان يصير فيه تشبيك وروابط كمان بين أهل القدس وكمان بين أهل النبي صموئيل ع أساس يصير فيه عندنا زي هوية جمعية. فلهيك إحنا بنشوف إنه كثير مهم إنه نطلع. كمان ليش آلية البيسكليتات؟. آلية البيسكليتات هي فعليا عملية أكثر لما إحنا نحكي عن مسافات بعيدة وكمان هيك زي آلية مشجعة للشباب إنه بيسكليتات نطلع مع بعض كلنا، نروح على جولات وعلى قرى مختلفة. وكمان لما نروح على الرقى هاي إحنا بنستخدم كمان التطبيق بنفتحه بنشوف إيش فيه أماكن قريبة أو أماكن أثرية وبنشوف وبنقرأ عليها كمان من خلال التطبيق اللي هو تطبيق رحلة".

وتنظم مؤسسة الرؤيا الفلسطينية حاليا جولات أسبوعيا لقرى عديدة في نطاق القدس، وتأمل أن يحقق التطبيق الجديد انتشارا لدى السكان المحليين والسائحين على السواء.

 

متاهة ترافق جلسات محاكمة المتهمين في اغتيال الحريري

السعودية تتوقع تعافي اقتصادها في 2018

محاولات ارهابية يائسة لتقويض الأمن في بنغازي

قرصان روّع مستخدمي فيسبوك بمصر وراء القضبان

وساطة أميركية مستمرة لا تنزع فتيل التوتر بين لبنان واسرائيل

خطة طموحة لإعادة هيكلة الخطوط التونسية

خطر الإرهاب لايزال يتربص بأمن لبنان واستقراره

السيسي يرى في صفقة الغاز مع إسرائيل هدفا صائبا لمصر

السجن خمس سنوات لنبيل رجب بتهمة الإساءة للبحرين

واشنطن تحذر من خطر الإرهاب الثابت في العراق


 
>>