طبيب مصري يسكّن مخاوف الأطفال بمقاطع فيديو

القاهرة - طبيب أطفال وجراح مصري يستبدل معطفه الأبيض وسماعة الطبيب بزي أزرق ورداء أحمر، ويقدم نفسه لمرضاه باعتباره شخصية خيالية خارقة.

فقد ابتكر الطبيب هشام عبد القادر شخصية سوبر إتش، التي يستخدمها في تقديم محتوى على وسائل التواصل الاجتماعي لمساعدة الأطفال على عيش حياة صحية أفضل.

وباستخدام مقاطع مصورة مضحكة ومرحة من على موقع تيك توك يصورها مع الأطفال قبل الخضوع للعمليات، يأمل عبد القادر في رفع معنوياتهم ومعنويات والديهم قبل الإجراء الطبي.

وفي مكتبه بابتسامة يقوا "نورتوا سوبر إتش"، وبينما يجلس في عيادته بحي هليوبليس بمصر الجديدة قال "إحنا مجتمعاتنا الشرقية عموما ومصر بالتحديد ناجحين أوي إن إحنا نخوف ولادنا من فكرة المرواح للدكتور وإن إحنا كمان هنخش نعمل عملية، أنا عايز أقولك بابا وماما مرعوبين أكتر من الطفل. فيعني بنعمل الفيديو دي كخطوة لإزالة الجليد، متشغلش بالك أنت كطفل إن إحنا داخلين أوضة (غرفة) العمليات ونفصله عن والديه، إن أنا هسيب بابا وماما وهيخدوني لوحدي ع الترولي أروح العمليات".

وبعد أن رأى انبهار مرضاه بشخصيات الأبطال الخارقين التي يعرضها في عيادته، توصل عبد القادر لاحقا إلى ابتكار شخصية سوبر إتش.

وتقوم الشخصية الخيالية الجديدة على قصة مفادها أن هذا البطل الخارق هبط في القاهرة من كوكب آخر على مكوك فضاء خاص به وهو الآن ملتزم بمساعدة الأطفال على هذا الكوكب.

وشرح عبد القادر ذلك قائلا "أنا بأمل إن أنا لو قدرت أحول سوبر إتش ده لشخصية محبوبة من الأطفال بيقدم لهم طول الوقت اللي هم محتاجينه في أي مجال هما محتاجينه، يعني في مجال الصحة طبعا لأني أصلا دكتور، إنما في مجال التعليم ليه لا إن أنا أتكلم على محتوي تعليمي ياريت، في مجال ترفيه وأننا نعمل بوزلز وشقاوة، نطبخ مع بعض، نعمل حاجة زي كدة، وبحاول طول الوقت إني أخلط المعلومة مع الترفيه لأن في رأيي مع الأطفال، طول الوقت هو ده اللي لقيته، إن انتي تحاولي تديهم معلومة أو حاجة مش حابينها أوي في ظل حاجة تانية بيحبوها، هياخدوا الاتنين".

وإلى جانب مقاطع فيديو تيك توك، بدأ عبد القادر في إنتاج حلقات على وسائل التواصل الاجتماعي تخاطب الآباء لمساعدتهم على فهم بعض المعلومات الطبية، وكذلك كيفية التعامل مع أطفالهم.

وأوضح ذلك قائلا "لقيت إن الوسيلة الشرعية إن أنا أكلم الأطفال من خلال الأهالي، فالتلاتين حلقة كلهم بيكلموا الأهالي وبيحاولوا يدوهم نصيحة صغيرة في صورة اسكتش بيعرض المشكلة وكيفية حلها وفي الآخر سوبر إتش بييجي يدي نصيحة لبابا وماما إزاي أتعامل مع طفلي العنيد، إزاي أتعامل مع طفلي الخجول، اللي مش عايز ياكل أكل صحي، اللي مش عايز يمارس رياضة".

وأضاف "القيم، أساس مهم لتكوين أي مجتمع سوي، مجموعة من القواعد الأخلاقية والسلوكية اللي بتشكل عادات وتقاليد وثقافة أي مجتمع، مجموعة من الحاجات زي الصبر، الصدق، التسامح، احترام الآخر، العدل والمساواة اللي لازم نزرعها في أطفالنا من وهم صغيرين عشان مستقبلهم يكون أحسن".